कटकट केसांची
केसांबद्दल ममत्व कुणाला नसते ?
केसांच्या बाबतीत स्त्री असो वा पुरुष, अतिशय दक्ष असतो.
ज्याचे केस कुरळे असतात त्याला सरळ केस हवे असतात, अन ज्याचे सरळ असतात त्याला कुरळे !
कुणाला छोटे केस आवडतात तर कुणाला लांबसडक !
केसांबद्दल कितीतरी समज आणि गैरसमज आहेत.
काही लोक जन्मानंतर लगेच काही महिन्यांनी जावळे काढून " अशुद्ध" केस काढून टाकावे असे मानतात. आणि तेच केस त्या नंतर मात्र कापणे निषिद्ध मानतात.
केस आणि नख कापणे हे स्नान करून शरीरशुद्धी करण्याप्रमाणेच शुचितेचे लक्षण मानतात.
पण मग तोच नियम श्रावण, नवरात्र आणि काही तिथीना का लागू होत नाही?
पहिलेचा काळ वेगळा होता. नख कापणे, दाढी करणे, केस कापणे हे घरात होत नव्हते. बाहेर जाऊन करावे लागायचे. त्यात वेळ जायचा. म्हणून ज्यांना कुठली धार्मिक उपासना करायची आहे त्यांनी तो वेळ त्यासाठी वापरावा आणि बाह्य रुपाकडे लक्ष देण्यापेक्षा अंतर्मुख होऊन साधना करावी म्हणून ह्या दिवसांमध्ये नख-केस कापणे,दाढी करणे ह्या गोष्टी करत नव्हते. पण स्नान करणे तर अनिवार्यच आहे. मग तेव्हढाच निषेध का बरं ? तुम्ही स्वछ, शुचिर्भूत होऊनही उपासना करू शकताच कि !
केसांच्या बाबतीत एक विरोधाभास आहे. जरा कुठे एक पांढरा केस दिसला,लगेच काळजाचा ठोका चुकतो. माणसाला "आम्हाला पण काही ज्ञान आहे हो, उगीच नाही काळ्याचे पांढरे झाले " असे म्हणायचे तर असते, पण ते पांढरे झालेले केस दाखवायचे पण नसतात. मोठेपणा तर हवा पण म्हातारपण नको असते. आणि त्याचमुळे अनेक केशकलापांचे पेव फुटले आहे.
या बाबतीत विदेशी लोकांचे बरे असते. तिकडे केसांचे अनेक रंग असल्यामुळे ह्या सगळ्या भानगडीच नसतात. पण त्यातही केसांच्या रंगावरून स्वभाव आणि बुद्धी चे गैरसमज आहेतच. उदा. "as dumb as blonde" असे वाक्प्रचार त्यातूनच आलेत.
काहीही असले तरी एकवेळ केस तुटतील पण केशप्रेमाचा पाश तुटता तुटत नाही, हेच खरे.
-पूर्णिमा देशमुख पुरेकर
केसांबद्दल ममत्व कुणाला नसते ?
केसांच्या बाबतीत स्त्री असो वा पुरुष, अतिशय दक्ष असतो.
ज्याचे केस कुरळे असतात त्याला सरळ केस हवे असतात, अन ज्याचे सरळ असतात त्याला कुरळे !
कुणाला छोटे केस आवडतात तर कुणाला लांबसडक !
केसांबद्दल कितीतरी समज आणि गैरसमज आहेत.
काही लोक जन्मानंतर लगेच काही महिन्यांनी जावळे काढून " अशुद्ध" केस काढून टाकावे असे मानतात. आणि तेच केस त्या नंतर मात्र कापणे निषिद्ध मानतात.
केस आणि नख कापणे हे स्नान करून शरीरशुद्धी करण्याप्रमाणेच शुचितेचे लक्षण मानतात.
पण मग तोच नियम श्रावण, नवरात्र आणि काही तिथीना का लागू होत नाही?
पहिलेचा काळ वेगळा होता. नख कापणे, दाढी करणे, केस कापणे हे घरात होत नव्हते. बाहेर जाऊन करावे लागायचे. त्यात वेळ जायचा. म्हणून ज्यांना कुठली धार्मिक उपासना करायची आहे त्यांनी तो वेळ त्यासाठी वापरावा आणि बाह्य रुपाकडे लक्ष देण्यापेक्षा अंतर्मुख होऊन साधना करावी म्हणून ह्या दिवसांमध्ये नख-केस कापणे,दाढी करणे ह्या गोष्टी करत नव्हते. पण स्नान करणे तर अनिवार्यच आहे. मग तेव्हढाच निषेध का बरं ? तुम्ही स्वछ, शुचिर्भूत होऊनही उपासना करू शकताच कि !
केसांच्या बाबतीत एक विरोधाभास आहे. जरा कुठे एक पांढरा केस दिसला,लगेच काळजाचा ठोका चुकतो. माणसाला "आम्हाला पण काही ज्ञान आहे हो, उगीच नाही काळ्याचे पांढरे झाले " असे म्हणायचे तर असते, पण ते पांढरे झालेले केस दाखवायचे पण नसतात. मोठेपणा तर हवा पण म्हातारपण नको असते. आणि त्याचमुळे अनेक केशकलापांचे पेव फुटले आहे.
या बाबतीत विदेशी लोकांचे बरे असते. तिकडे केसांचे अनेक रंग असल्यामुळे ह्या सगळ्या भानगडीच नसतात. पण त्यातही केसांच्या रंगावरून स्वभाव आणि बुद्धी चे गैरसमज आहेतच. उदा. "as dumb as blonde" असे वाक्प्रचार त्यातूनच आलेत.
काहीही असले तरी एकवेळ केस तुटतील पण केशप्रेमाचा पाश तुटता तुटत नाही, हेच खरे.
-पूर्णिमा देशमुख पुरेकर
कोणत्याही टिप्पण्या नाहीत:
टिप्पणी पोस्ट करा